Crita Rojak di Hari 5!!

How i wish sa sudah cuti sekarang ni :( tapi pa boleh vuat lah abis sudah cuti sia untuk tahun ni kalo mo cuti juga buli tapi ndak sanggup juga kana unpaid leave berhari2. Jadi sa harungi saja lah kemalasan dan keboringan tahap gaban sia di ofis kami yang sangat boring ini. Sa punya bff si Flo pun siok2 sudah dia sana kampung!!

Hari ni juga sia malas mo keluar dari opis mo pigi lunch! bukan apa sa malas mo "drive" bah! sebab mimang konfom jammed gila lah di mana2 ni! Kira mo pigi 1B tapi sia malas juga sebab yesterday after work pun trus  sia pigi sana sampai jam 9:30pm ehem shopping and kai2.

Jadi sia punya lunch niari, ni saja lah...buli2 lah asal kanyang sikijap!!

 Maggi Curry + Egg

Oh ya bisuk Christmas eve sudah. Sia tia sabar sudah mo tunggu bisuk malam cause its  time for Christmas Prezzie opening time!! Ndak tahan sudah mo tingu tu hadiah lama2 di underneath Christmas Tree hehehe. Oh ya, speaking of Christmas Prezzie i just received another Christmas gifts  from a lovely friends yesterday. Thanks AJ and Janet + Hubby!! Kalo ikutkan hati sia ni, mo saja truss buka kemarin juga tapi sia tahan2 saja tu hati tunggu bisuk malam!!

Dan dalam sepanjang tahun ni barulah sia dapat menapun makan di bawah ni semalam. Om buli lah walaupun 2 biji nopo asalkan ada bah! Nasib bro-in-law tapau ni 2 biji semalam kalo tidak tiada lah  harapan tertapun ni barang dalam tahun ni..

 

 

Dan Christmas tahun ni juga...Aih...sudah cerita durian balik lagi cerita Christmas arr...(kan sudah bilang crita rojak) syok sebab ada si little "H" kasih tambah meriah lagi Christmas siurang one family. Kalo Christmas tahun lalu si little "H" baru 1 bulan lebih but this year little "H" sudah 1 year 2 months. Little "H" lah membuatkan Christmas this year tambah meriah sebab dia jajal sikit sudah hehehehe.

Little "H" my only nephew in our little family (hopefully next year adalah adik hehehehe...more merrier) and he's our "JOY" and loved by his 2 gorgeous aunts (angkat bakul sendiri dulu arr) and the 1st grandson to ma beloved daddy & mummy.

Here our little elfs...

 

Tingu tu gaya little 'santa' kicil2 sudah pandai control astro arr!!! 2nd pic little "H" with fellow "Domo" kaitu ar not sure a gift from CBG..

Bah, itu saja lah cerita rojak sia yang paling teda2 n boring di hari lima ni. Kalo kamu tidak mo layan pun tidak apa lah hehehehe sia paham juga tu...

Adoiiiiiiiiiiiiiiii capat2 lah jam 5:00pm sa boring tahap gaban sudah ni!!!! Mo pigi shopping barang lagi ni tuk masak2 nanti time Christmas!!